‘Recall’ Kellog’s Honey Smacks cereal

19 juni 2018

Inspekshon pa Protekshon di Salud ta informá di a tuma nota di e atvertensia ku Sentro di Kòntròl di malesa i prevenshon (CDC) na Merka a saka tokante produktonan di Kellog’s ku posiblemente ta kontaminá ku Salmonella.

Ta trata du tur produkto ‘Kellog’s Honey Smacks cereal’, sin importá e fecha di vensementu. Pero
prinsipalmente mester tene kuenta ku esnan ku ta kaduká entre 14 jüni 2018 pa 14 jüni
2019.
En konekshon ku e atvertensia aki inspekshon a hasi un investigashon rapido riba
merkado lokal (importadonan i bendedornan) i por informá ku e produkto aki no ta
optenibel na ningun supermerkado grandi na kòrsou. E importadó ofisial di produktonan
di Kellog’s ku ta distribuí na toko i minimarket tambe a hasi un investigashon na tur su
klientenan rebendedó, pero no a haña nada di e produkto aki den rèki. For di
dokumento risibí di e importadó ofisial na kòrsou, Inspekshon a tuma nota ku e
produkto aki no a wòrdu importá ya pa un aña kaba. Esaki ta debi na e mal benta di e
produkto.
Inspekshon ta hasi un yamada na públiko en general pa si akaso ta disponé di e
produkto ‘Kellog’s Honey Smacks cereal’, pa no konsumí esaki i deshasí di dje.